افغانستان : فوجی ایئربیس پر حملے میں 25 سیکیورٹی اہلکار ہلاک
Nov ۰۷, ۲۰۱۸ ۰۹:۰۱ Asia/Tehran
افغانستان کے مغربی صوبے فراہ میں فوجی ایئربیس پر طالبان کے حملے میں کم از کم 25 سیکیورٹی اہلکار ہلاک ہوگئے۔
بین الاقوامی میڈیا رپورٹس کے مطابق طالبان نے فوجی ایئربیس کو نشانہ بناتے ہوئے بھاری ہتھیاروں سے حملہ کردیا جس کے نتیجے میں 25 اہلکار ہلاک اور متعدد زخمی ہوگئے۔
ذرائع کا کہنا ہے کہ اڈے پر 50 اہلکار تعینات تھے تاہم حملے کے بعد سے کئی اہلکار لاپتہ ہیں اور اب تک ان کا کوئی سراغ نہیں مل سکا جب کہ حملے کا نشانہ بننے والے اڈے سے کئی گھنٹے گزرنے کے باوجود رابطہ قائم نہیں ہوسکا۔
صوبائی حکام نے خدشہ ظاہر کیا ہے کہ حملہ آور کم از کم 20 سیکیورٹی اہلکاروں کو یرغمال بنا لے گئے ہیں جن کی تلاش کے لیے کوشش جاری ہیں۔
