افغانستان: داعش کے 16 دہشتگرد ہلاک
Dec ۲۹, ۲۰۱۸ ۱۲:۱۱ Asia/Tehran
افغانستان کے صوبے ننگر ہار میں داعش کے 16 دہشتگرد ہلاک ہو گئے۔
افغان میڈیا کے مطابق افغانستان کےصوبے ننگر ہار میں افغان فورسزنے ایک آپریشن کے دوران داعش خراسان کے 16دہشت گردوں کو ہلاک کر دیا۔
افغان فورسز نے یہ آپریشن ننگرہار کے ضلع آچن میں کیا، ہلاک دہشت گرد داعش خراسان کے خودکش اسکواڈ کا حصہ تھے۔
افغان میڈیا کا کہنا ہے کہ اس آپریشن میں مارے جانے والوں میں داعش کا کمانڈر خطاب بجواری بھی شامل ہے۔
ہلاک ہونے والے یہ دہشت گرد افغانستان میں خودکش حملوں کی منصوبہ بندی اور اس حوالے سے رابطہ سازی میں ملوث تھے۔
