یمن: الحدیده سے فوج ہٹانے پر مذاکرات
یمن کے شہر الحدیده سے فوج ہٹانے پر مذاکرات میں پیشرفت ہوئی ہے۔
یمن میں متحارپ فریقوں کے مذاکرات میں اہم پیش رفت ہوئی ہے اور دونوں فریقوں نے لال ساگر کے بندر گاہی شہر الحدیده سے فوج ہٹانے کے پہلے مرحلے کے لئے رضامندی ظاہر کی ہے۔
اقوام متحدہ کے سیکرٹری جنرل کے دفتر سے جاری ایک بیان میں کہا گیا کہ اقوام متحدہ کی پہل پر دونوں فریق 16-17 فروری کو الحدیده میں ہوئی مشترکہ میٹنگ میں فوج ہٹانے کے پہلے مرحلے کے لئے رضامند ہوگئے ۔ بیان میں کہا گیا ’’ری کوآرڈینیشن کمیٹی (آرسی سی ) کی صدارت میں ہوئی بات چیت کے بعد دونوں فریق فوجیں ہٹانے کے پہلے مرحلے کے لئے راضی ہوگئے۔ بیان کے مطابق، آرسی سی فریم ورک کے مطابق، ایک ہفتے کے اندر مذاکرات کے اگلے مرحلے کو مکمل کرنے کے بعد معاہدے کو حتمی شکل دی جائے گی۔
واضح رہے کہ اس سے قبل ہونے والے معاہدے اور سیز فائر کی سعودی عرب اور اس کے اتحادیوں نے متعدد بارخلاف ورزی کی ہے۔
