افغانستان: فورسز کا سرچ آپریشن 25 طالبان ہلاک و زخمی
May ۱۲, ۲۰۱۹ ۰۷:۵۱ Asia/Tehran
افغانستان کے صوبے قندوز میں سیکیورٹی فورسز کے سرچ آپریشن کے دوران 10 طالبان مارے گئے جب کہ 10 قیدیوں کو بازیاب کرالیا گیا۔
بین الاقوامی خبر رساں ادارے کے مطابق افغانستان کے صوبے قندوز کے ضلع چہار ڈارا میں افغان سیکیورٹی فورسز نے سرچ آپریشن کے دوران طالبان کے قبضے سے 10 قیدیوں کو بازیاب کرالیا، سرچ آپریشن کے دوران گھمسان کی جھڑپ میں 10 طالبان مارے گئے اور 15 زخمی ہوئے۔
واضح رہے کہ دو روز قبل افغانستان کے صوبے بادغیس میں طالبان کے سیکڑوں کے لشکر نے سیکیورٹی چیک پوسٹوں پر حملہ کیا، حملوں کے نتیجے میں 24 افغان فوجی ہلاک اور متعدد زخمی ہوگئےتھے۔
