عراق کو ایران سے توانائی درآمدات میں امریکی استثنی
May ۲۳, ۲۰۱۹ ۱۰:۵۵ Asia/Tehran
امریکہ نے عراق کو ایران سے بجلی اور گیس درآمدات کرنے سے متعلق یکطرفہ پابندیوں سے استثنی دے دی
عراق کے دارالحکومت بغداد میں امریکی ناظم الامور جوی ہڈ نے گزشتہ روز ملکی اور غیرملکی نامہ نگاروں سے گفتگو کرتے ہوئے عراق کو پابندیوں سے استثنی ملنے کی تصدیق کی.
جوی ہڈ کا کہنا تھا کہ عراق، ایران سے بجلی اور گیس فراہم کرنے کے حوالے سے امریکی پابندیوں سے مستثنی ہے تاہم امریکہ اس شعبے میں عراق کی خودانحصاری کی حمایت کرتا ہے.
واضح رہے کہ عراق کو امریکی پابندیوں سے استثنی سے متعلق امریکی حکام کے بیانات ایسے میں سامنے آرہے ہیں جب امریکہ حالیہ مہینوں میں بارہا عراق پر ایران سے توانائی حاصل نہ کرنے پر دباؤ ڈالتا رہا جبکہ عراقی حکام نے یہ بات واضح کردی تھی کہ وہ اپنے ملک کی توانائی کے بحران پر قابو پانے کیلئے ایران سے تیل و گیس لیتا رہے گا۔