امریکہ مذاکرات میں سنجیدہ نہیں : طالبان
Jun ۰۲, ۲۰۱۹ ۰۸:۳۳ Asia/Tehran
افغان طالبان اور امریکہ کے مابین امن مذاکرات کے کئی ادوار ہونے کے باوجود ابھی تک وہ کسی نتیجے پر نہیں پہنچ سکے۔
عیدالفطرکی مناسبت سے افغان طالبان کے سرغنہ ملا ہیبت اللہ اخونزادہ نے اپنے ایک پیغام میں کہا ہے کہ امریکہ افغان تنازعے کے حل کی بات چیت کے ساتھ سنجیدہ رہے۔
افغان طالبان کے سرغنہ کا کہنا تھا کہ امریکا مذاکرات میں دلیل اور تفہیم کی پالیسی اپنانے کے علاوہ طالبان کی مذاکرات کی تجویز کو قبول کرے۔
ان کا کہنا تھا کہ طالبان مذاکراتی عمل میں پیش رفت کے حوالے سے تمام غیر ملکی افواج کے انخلا کو اہم خیال کرتے ہیں۔ مذاکرات کے حوالے سے دروازہ کھلا ہے تاہم کسی نتیجے پر پہنچنے کے لیے ہماری بات بھی سننا ہوگی۔
یاد رہے کہ طالبان اور امریکا کے درمیان مذاکرات کا آخری دور مئی میں مکمل ہوا تھا۔
