افغانستان میں شیعہ مسلمانوں کی مسجد پر حملے کی مذمت
Jul ۰۶, ۲۰۱۹ ۱۱:۴۹ Asia/Tehran
افغانستان کی پارلیمنٹ کے رکن نے غزنی میں شیعہ مسلمانوں کی مسجد پر حملے کی مذمت کرتے ہوئے اسے غیر انسانی اقدام قرار دیا۔
موصولہ رپورٹوں کے مطابق افغانستان کے شہرغزنی کی محمدیہ مسجد میں کل رات نماز مغربین کے دوران ہونے والے دہشتگردانہ حملے میں 3 نمازی شہید اور 24 زخمی ہوئے۔
افغانستان کی پارلیمنٹ میں غزنی سے تعلق رکھنے والے رکن اسمبلی عارف رحمانی نے حکومت سے دہشتگردوں کی شناسائی اور فوری گرفتاری کا مطالبہ کیا۔
غزنی میں شیعہ مسلمانوں کی مسجد پر حملے کی ابھی تک کسی نے بھی ذمہ داری قبول نہیں کی جبکہ طالبان کے ترجمان ذبیح الله مجاهد نے کہا کہ اس حملے میں طالبان ملوث نہیں ہے۔
واضح رہے کہ اس سے قبل کابل اور ہرات میں شیعہ مسلمانوں کی مساجد اور امام بارگاہوں پر داعش کے دہشتگردوں نے کئی حملے کئے تھے۔
