افغان صدر کو طالبان اور امریکہ کے درمیان خفیہ معاہدے پر تشویش
Jul ۱۷, ۲۰۱۹ ۱۵:۲۳ Asia/Tehran
افغانستان کے صدر اشرف غنی نے امریکہ اور طالبان کے درمیان خفیہ معاہدے کی بابت سخت تشویش کا اظہار کیا ہے۔
صدر اشرف غنی نے قطر میں امریکہ اور طالبان کے درمیان ہونے والے مذاکرات کے بارے میں کہا ہے کہ انہیں افغانستان کے مستقبل کے بارے میں امریکہ اور طالبان کے درمیان خفیہ معاہدے کے حوالے سے سخت تشویش لاحق ہے۔
قطر کے دارالحکومت دوحہ میں امریکہ اور طالبان کے درمیان مذاکرات کے سات دور ہوچکے ہیں لیکن ان کا افغان عوام کو تاحال کوئی فائدہ نہیں پہنچا ہے۔
افغانستان کے صدر نے مزید کہاکہ طالبان کے ساتھ حتمی معاہدہ صدارتی انتخابات کے بعد اور جمہوری نظام کے تحت ممکن ہوسکتاہے۔افغانستان میں صدارتی انتخابات رواں سال ستمبر کے آخر میں کرائے جانے کا امکان ہے۔
