SAHAR

اسرائیلی ذرائع ابلاغ نے فوجی ذرائع کے حوالے سے بتایا ہے کہ اس کا جاسوس طیارہ حزب اللہ نے مار گرایا ہے۔صیہونی فوج نے دعوی کیا کہ مارگرایا جانے والا ڈرون طیارہ معمولی نوعیت کا تھا اور کسی خاص مشن پر نہیں تھا اس لئے اس کا ڈیٹا لیک ہونے کا کوئی خطرہ موجود نہیں۔

 

ادھر حزب اللہ لبنان نے ایک بیان میں کہا ہے کہ پیر کی صبح ملک کی سرحدوں میں داخل ہونے والے ایک اسرائیلی ڈرون طیارے کو مناسب ہتھاروں سے نشانہ بنا کر تباہ کردیا گیا۔

حزب اللہ کے بیان میں آیا ہے کہ اسرائیل کا یہ ڈرون طیارہ جنوبی لبنان کے علاقے رامیہ میں مارگرایا گیا۔