افغانستان میں فوجی کارروائی، 25 سے زائد دہشت گرد ہلاک
Dec ۱۹, ۲۰۱۹ ۰۸:۳۹ Asia/Tehran
افغانستان میں شہریوں اور سکیورٹی فورسز کے خلاف ہونے والی پر تشدد کارروائیوں کے بعد اس ملک کی فوج نے بھی دہشت گردوں کے خلاف بڑی کارروائی کی ہے۔
فوج کی جانب سے بدھ کو جاری بیان کے مطابق افغانستان کے جنوبی صوبے قندھار کے شورش زدہ ضلع شاہ ولی کوٹ میں گزشتہ 24 گھنٹے کی فوجی مہم کے دوران فوج نے فضائیہ کے جنگی طیاروں کی مدد سے 25 سے زائد دہشت گردوں کو ہلاک کیا۔
لڑاکا طیاروں کی مدد سے منگل کی صبح سے ضلع شاہ ولی کوٹ کے کچھ حصوں میں دہشت گردوں کے خلاف یہ مہم چلائی گئی جس میں کئی دہشت گرد زخمی بھی ہوئے ہیں۔ بیان کے مطابق مہم اس وقت تک چلے گی جب تک کہ مسلح دہشت گردوں سے علاقہ مکمل طور خالی نہیں ہو جاتا۔
اس صوبہ کے مختلف علاقوں میں سرگرم طالبان نے فوجی کارروائی کے بارے میں ابھی تک بیان نہیں دیا ہے۔
