خان یونس اور جبالیہ میں پناہ گزینوں کے خیموں پر صیہونیوں کے حملے میں مزید دس فلسطینی شہید

Feb ۱۵, ۲۰۲۶ ۲۰:۲۸ Asia/Tehran

غزہ پٹی کے شہر خان یونس اور جبالیہ کیمپ میں پناہ گزینوں کے خیموں پر صیہونی حکومت کے حملےمیں گزشتہ چوبیس گھنٹوں کے دوران دس فلسطینی شہید اور نو زخمی ہوگئے۔

سحرنیوز/عالم اسلام: فلسطینی مزاحمتی کمیٹیوں نے غزہ پٹی کے شہر خان یونس اور جبالیہ کیمپ میں پناہ گزینوں کے خیموں پر صیہونی حکومت کے حملے کو جنگی جرم قرار دیتے ہوئے کہا ہے کہ غاصب و دہشتگرد صیہونی حکومت فلسطینی عوام کے خلاف جنگ کو طول دینا چاہتی ہے۔

فلسطینی مزاحمتی کمیٹیوں نے ایک بیان میں مزید کہا ہے کہ یہ حملہ صیہونیوں کی فاشسٹ ذہنیت کی عکاسی کرتا ہے جنہوں نے فلسطینیوں کے خون بہانے میں بے شرمی کا مظاہرہ کیا ہے ۔

ہمیں فالو کریں:

واضح رہے کہ غزہ پٹی کے خلاف صیہونی حکومت کی جارحیت کا سلسلہ اب بھی جاری ہے اور جنگ کے آغاز سے اب تک شہداء کی کل تعداد بہتر ہزار ایکسٹھ تک پہنچ گئی ہے۔فلسطینی مزاحمتی کمیٹیوں نے تاکید کے ساتھ کہا ہے کہ ہم امریکی حکومت کو اس تباہ کن صورتحال کا مکمل طور پر ذمہ دار سمجھتے ہیں کیونکہ وہ صیہونی حکومت کی اہم حامی ہے اور صیہونی حکومت اور اس کے مجرم لیڈروں کو ہمارے عوام کی تباہی کو جاری رکھنے کی کھلی چھوٹ دے رکھی ہے ۔