SAHAR

فلسطین کی اسلامی اور ملی قوتوں کی اسٹیرنگ کمیٹی نے ناپاک امریکی منصوبے سینچری ڈیل کے خلاف منگل اور بدھ کو یوم غضب منانے کا اعلان اور فلسطینیوں سے امریکہ مخالف مظاہروں میں شرکت کی اپیل کی تھی۔ 

حماس کے رہنما خلیل الحیہ نے غزہ میں ہونے والے مظاہرے کے موقع پر اپنے خطاب میں کہا ہے کہ تمام فلسطینی عہدیدار سینچری ڈیل کے خلاف متحد ہیں اور اس ناپاک منصوبے کو ہرگز کامیاب نہیں ہونے دیں گے۔ انہوں نے کہا کہ اسرائیل کی نابودی کا وقت قریب آگیا ہے۔ 

قابل ذکر ہے کہ امریکی صدر ڈونلڈ ٹرمپ منگل کے روز  وائٹ ہاؤس میں صیہونی حکومت کے وزیر اعظم بن یامین نیتن یاھو اور بلو اینڈ وائٹ پارٹی کے سربراہ بنی گینٹز کے ساتھ ملاقات میں اپنے تیار کردہ ناپاک منصوبے سینچری ڈیل کا اعلان کرنے والے ہیں۔ 

امریکہ کے تیار کردہ ناپاک " سینچری ڈیل " منصوبے کے تحت بیت المقدس جہاں مسلمانوں کا قبلہ اول واقع ہے ، اسرائیل کے حوالے کردیا جائے گا، دیگر ملکوں میں مقیم فلسطینیوں کو اپنے آبائی علاقوں میں واپسی کا حق نہیں ہوگا جبکہ غزہ پنی اور غرب اردن کا باقی ماندہ علاقہ ہی فلسطین کی ملکیت ہوگا۔