SAHAR

افغانستان میں تعینات دہشت گرد امریکی فوج کے ایک کمانڈر نے کہا ہے طالبان کے ساتھ ہوئے معاہدے کے مطابق افغانستان سے امریکی فوج کے انخلا کا عمل شروع ہوگیا ہے

امریکی کمانڈر نے اپنا نام ظاہر نہ کرنے کی شرط پر بتایا کہ طالبان کے ساتھ ہوئے معاہدے کے مطابق افغانستان میں تعینات امریکی دہشتگردوں کی تعداد تیرہ ہزار سے گھٹ کر آٹھ ہزار چھے سو ہونی ہے-

امریکا اور طالبان کے درمیان اٹھارہ ماہ کے مذاکرات اور افغانستان میں جنگ بندی کے تعلق سے پائی جانے والی تشویش کے درمیان آخرکار طالبان اور واشنگٹن کے مابین انتیس فروری کو دوحہ میں ایک معاہدہ طے پایا-

اس معاہدے کے بارے میں خود امریکی حکام کا بھی کہنا ہے کہ کسی بھی وقت یہ معاہدہ ٹوٹ سکتا ہے- طالبان اور امریکا کے درمیان معاہدے کے بعد افغانستان میں دہشتگردانہ حملوں میں شدت آگئی ہے- طالبان اور امریکا کے درمیان ہونے والے اس معاہدے کے مطابق آئندہ چودہ مہینوں میں سبھی غیر ملکی فوجیں، افغانستان نکل جائیں گی اور طالبان کو بھی اپنے حملے روک دینے ہوں گے- غیر ملکی فوجیوں میں سب سے بڑی تعداد امریکی دہشتگردوں کی ہے۔

طالبان اور امریکہ کے درمیان امن معاہدے پر دستخط ہو تو گئے ہیں مگر اسکے باوجود افغان عوام میں خانہ جنگی کو لے کر تشویش جوں کی توں برقرار ہے ۔