SAHAR

 ٹوئٹر پر اظہار رائے کے قیدی کے نام سے فعال بیچ کے مطابق سعودی عرب میں پچھلے چند روز کے دوران مزید نو افراد کو گرفتار کیا گیا ہے جن میں کچھ صحافی اور سیاسی کارکن بھی شامل ہیں۔ 

یہ گرفتاریاں ایسے وقت میں عمل میں لائی جا رہی ہیں جب سعودی عرب کی رائے عامہ کورونا وائرس کے حوالے سے جاری معاملات میں الجھی ہوئی ہے۔ 

بعض خبروں کے مطابق سعودی دربار سے وابستہ افراد نے اپنے ٹوئٹس میں سوشل میڈیا پر کھل کر اپنے خیالات کا اظہار کرنے والے معروف سعودی شہریوں کو دھمکیاں بھی دی ہیں۔ 

دوسری جانب بین الاقوامی اداروں اور انسانی حقوق کی تنظیموں نے دنیا میں قیدیوں کے درمیان کورونا وائرس کے پھیلاؤ پر گہری تشویش کا اظہار کرتے ہوئے ان کی رہائی کا مطالبہ کیا ہے۔ 

 سعودی عرب میں بن سلمان کے اقتدار میں آنے کے بعد سے آمریت مخالفین کے خلاف کریک ڈاؤن میں شدت پیدا ہوئی ہے اور اب تک دسیوں صحافیوں، علما‏ئے کرام، شعرا اور انسانی اور شہری حقوق کے لیے آواز بلند کرنے والوں کو گرفتار اور ان  میں سے بہت سوں کو سزائے موت بھی دی جا چکی ہے۔