SAHAR

افغانستان کے جوائنٹ چیف آف اسٹاف نے بتایا ہے کہ دہشت گرد گروہ داعش کے گيارہ دہشت گردوں اور اسی طرح بعض طالبان عناصر کی گرفتاری کے بعد لویہ جرگہ کی مشاورتی نشست پر دہشت گردانہ حملے کی سازش ناکام ہو گئي ہے۔

ارنا کی رپورٹ کے مطابق جنرل یاسین ضیا نے اتوار کو بتایا کہ لویہ جرگہ کی عمارت پر حملے کے لیے چھپا کر رکھے گئے کئي راکٹوں کو بھی تلاش کر کے ناکارہ بنا دیا گيا۔ واضح رہے کہ لویہ جرگہ کی سہ روزہ مشاورتی نشست اتوار کے روز ایک بیان جاری کر کے ختم ہو گئی۔ اس نشست میں طالبان گروہ کے باقی بچے چار سو قیدیوں کو رہا کرنے پر بھی حکومت افغانستان نے اتفاق کیا ہے۔

افغانستان کے صدر اشرف غنی نے لویہ جرگے کے فیصلے کی تائید کرتے ہوئے کہا ہے کہ وہ جلد ہی طالبان کے باقی بچے چار سو قیدیوں کی رہائی کا حکم جاری کردیں گے۔