SAHAR

کویت کے نئے امیر نواف الاحمد الجابر الصباح نے عالمی سطح پر فلسطینیوں کی حمایت جاری رکھنے کا اعلان کیا ہے۔

فلسطینی اتھارٹی کے وزیر اعظم محمد اشتیہ سے ملاقات میں نواف الاحمد الجابر الصباح نے کہا کہ ان کا ملک فلسطین اور فلسطینی قوم کی حمایت جاری رکھے گا۔

اس سے قبل فلسطینی کابینہ نے اپنے ایک بیان میں کویت کی جانب سے اسرائیل کے ساتھ تعلقات کی برقراری سے انکار اور فلسطینی کاز کی حمایت جاری رکھنے کے اعلان کا خیر مقدم کیا تھا۔

کویت نے پچھلے چند روز کے دوران بارہا اس بات کا اعلان کیا ہے کہ فلسطینی کاز کے حوالے سے اس کے موقف میں کوئی تبدیلی نہیں آئی ہے۔