Oct ۱۴, ۲۰۲۰ ۲۲:۳۲ Asia/Tehran
  • داعش کے جتھے پر عراقی رضاکار فورس کا کامیاب حملہ

عراق کی عوامی رضاکار فورس الحشدالشعبی نے شمالی سامرا کے نواح میں داعشی دہشت گردوں کے ایک جتھے کو تہس نہس کردیا ہے۔

صابرین نیوز کے مطابق عوامی رضاکار فورس الحشد الشعبی  کے تین سو تیرہ بریگیڈ نے  سامرا کے نواحی علاقے ام الفحم کے قریب داعشی دہشت گردوں کے جمع ہونے کی اطلاع ملنے کے بعد مذکورہ مقام کو میزائل سے نشانہ بنایا ہے۔

رپورٹ میں ہلاک اور زخمی ہونے والے داعشیوں کی صحیح تعداد کے بارے میں کچھ نہیں کہا گیا۔

 دوہزار سترہ میں داعش کی شکست کے باوجود اس دہشت گرد گروہ کے باقی ماندہ عناصر عراق کے مختلف علاقوں میں روپوش ہیں اور گاہے بگاہے عراقی عوام اور سیکورٹی فورس پر حملے کرتے رہتے ہیں۔

عراق کی عوامی رضاکار فورس اور فوج نے دوہزار سترہ کے بعد سے داعش کی باقیات کے خاتمے کے لیے ساٹھ سے زائد فوجی آپریشن انجام دیے ہیں جن کے دوران سیکڑوں داعشیوں کو ہلاک، زخمی اور گرفتار کیا گیا ہے۔  

ٹیگس