غزہ پر اسرائیل کا ایک بار پھر حملہ
Jan ۲۰, ۲۰۲۱ ۰۶:۳۷ Asia/Tehran
غاصب صیہونی حکومت نے بدھ کی رات غزہ پٹی پر ایک بار پھر حملہ کیا ہے۔
فارس خبر رساں ایجنسی کی رپورٹ کے مطابق غاصب صیہونی ٹولے کے جنگی طیاروں اور توپخانوں نے بدھ کی رات جنوبی غزہ کے علاقوں بیت حانون اورالزیتون پر بمباری اور گولہ باری کی۔ ہونے والی بمباری سے جانی نقصان کے بارے میں ابھی تک کوئی رپورٹ سامنے نہیں آئی ہے۔
غاصب صیہونی حکومت کے جنگی طیاروں اور ہیلی کاپٹروں نے گزشتہ مہینے کے دوران غزہ کے مختلف علاقوں پر شدید گولہ باری کی۔ جبکہ حالیہ دو ہفتوں کے دوران غاصب صیہونی دہشتگرد، جھوٹے اور بے بنیاد بہانوں سے تقریبا ہر روز غزہ کو اپنی جارحیت کا نشانہ بنا رہے ہیں۔
واضح رہے کہ غاصب صیہونی حکومت نے دسمبر 2017 سے غزہ پر فضائی حملوں کا نیا سلسلہ شروع کیا ہے کہ جس میں اب تک ہزاروں فلسطینی شہید اور زخمی ہوئے ہیں۔
