حزب اللہ عراق کی کھلی دھمکی، جن کے گھر شیشے کے ہوتے ہیں، وہ دوسروں کے گھروں پر پتھر نہیں مارتے...
حزب اللہ عراق کا کہنا ہے کہ امریکی فوجیوں کو عراق میں باقی رکھنے کے مقصد سے بغداد میں خودکش حملے کروائے گئے ہیں۔
حزب اللہ عراق کے ترجمان محمد محی نے جمعے کو المسیرہ ٹی وی سے گفتگو میں کہا کہ سیکورٹی کے بہانے عراق میں امریکی فوجیوں کو باقی رکھنے کے لئے جمعرات کو بغداد میں دہشت گردانہ حملے کروائے گئے ہیں۔
ان کا کہنا تھا کہ بغداد حملوں میں صیہونی حکومت، سعودی عرب اور امریکا کے شیطانی مثلث کا ہاتھ ہے جن کا ہدف عراق میں داعش کو زندہ کرنا ہے۔
انہوں نے کہا کہ عراق میں تشدد پھیلانے کا کام سعودی عرب کا ہے جس کے تحت وہ عراق کو سینچری ڈیل کی طرف لے جانا چاہتا ہے۔
حزب اللہ عراق کے ترجمان کا کہنا تھا کہ ہم اس سازش کا مقابلہ کریں گے۔ ہم اس سازش کو وہيں پہنچا دیں گے جہاں سے یہ آئی ہے۔
ان کا کہنا تھا کہ تکفیری دہشت گرد گروہ داعش کو شام میں امریکی چھاونیوں میں، عراق کے سرحدی علاقوں میں اور اردن سے ملنے والی عراقی سرحد پر ٹریننگ دی جاتی ہے۔
