SAHAR

صیہونی حکومت نے حماس کی کامیابی کے خدشات کے پیش نظر انتخابات کو ملتوی کئے جانے کا مطالبہ کردیا

 خود ساحتہ اسرائیلی ریاست کے خفیہ ادارے شابک نے محمود عباس سے حماس کی شرکت کی صورت میں فلسطین کے انتخابات کو منسوخ کئے جانے کا مطالبہ کیا ہے۔

کن نیوز ٹی وی چينل کی رپورٹ کے مطابق صیہونی حکومت کی داخلی سیکورٹی کے ادارے شابک کے سربراہ " نداف آرگمان" نے فلسطینی ریاست کے سربراہ محمود عباس سے کہا ہے کہ حماس کی مشارکت کی صورت میں انتخابات کو منسوخ  کردیا جائے۔

ادھر نداف آرگمان نے دو ہفتے قبل رام اللہ کے دورے کے موقع پر محمود عباس کے ساتھ ملاقات میں ان سے یہ درخواست کی، تاہم بتایا جاتا ہے کہ فلسطینی انتظامیہ نے صہیونی حکومت کی داخلی سیکورٹی کے ادارے شابک کے سربراہ کی اس درخواست کو مسترد کردیا ہے۔