افغان فوج ، بہسود کی جانب روانہ
Mar ۲۱, ۲۰۲۱ ۱۹:۴۷ Asia/Tehran
افغانستان میں کشیدگی بڑھنے کے بعد فوج کو بہسود کے لئے روانہ کردیا گیا ہے
شفقنا نیوز ایجنسی کی رپورٹ کے مطابق افغان فوج کے گیارہ سو فوجیوں کو ٹینکوں اور ہلکے و بھاری ہتھیاروں کے ساتھ بامیان سے بہسود کے لئے روانہ کردیا گیا ہے ۔
ان فوجیوں کو بھیجنے کا مقصد کمانڈر علی پور کو گرفتار کرنا بتایا گیا ہے جبکہ کہا جا رہا ہے کہ علی پور اور اس کے افراد سنیچر کی شب بہسود سے باہر نکل چکے ہیں۔
گذشتہ بدھ کو افغان فوج کی فضائیہ کے ایک ہیلی کاپٹر کو صوبہ میدان وردک کے بہسود ضلع میں نشانہ بنایا گیا تھا جس کے نتیجے میں ہیلی کاپٹر گر کر تباہ ہوگیا تھا۔
اس حملے میں پانچ افغان فوجی اور عملے کے چار افراد ہلاک ہوگئے تھے۔
میدان وردک میں کمانڈر علی پور نے فوجی ہیلی کاپٹر کو مارگرانے کا دعوی کیا ہے ۔
