افغانستان میں جھڑپ اور بم دھماکہ 11 ہلاک 8 زخمی
Apr ۲۴, ۲۰۲۱ ۱۱:۰۴ Asia/Tehran
افغانستان میں ہونے والی جھڑپ اور بم دھماکے میں 11 افراد ہلاک اور 8 زخمی ہو گئے۔
آوا خبر رساں ایجنسی کی رپورٹ کے مطابق افغانستان کے صوبے ہرات کے پشتون زرغون علاقے میں افغان فورسز اور طالبان کے مابین ہونے والی ایک خونریز جھڑپ میں 7 طالبان ہلاک اور 5 زخمی ہوئے ہلاک ہونے والوں میں علاقے کا نام نہاد طالبان کمانڈر ملا کامل بھی شامل ہے۔
دوسری جانب صوبہ قندھار میں ہونے والے ایک بم دھماکے میں 4 افراد جاں بحق اور 3 زخمی ہوئے۔ دھماکہ اس وقت ہوا جب ایک گاڑی ارغنداب علاقے سے گذر رہی تھی۔
قندھار، افغانستان کے ان نا امن صوبوں میں سے ایک ہے جس کے کئی علاقوں پر طالبان کا قبضہ ہے۔
