SAHAR

غاصب صیہونی انتہا پسندوں نے صیہونی اداروں کے اشارے پر مسجد الاقصی کی ایک بار پھر بے حرمتی کی ہے اور اس پر حملہ کیا ہے۔

فلسطین الیوم کے مطابق یہ حملہ اتوار کے روز کیا گیا اور اس موقع پر غاصب صیہونیوں نے اسلام کے خلاف نعرے بازی بھی کی۔ بتایا جاتا ہے کہ مسجد الاقصی پر حملہ کئے جانے کے موقع پر غاصب صیہونیوں اور فلسطینیوں میں جھڑپیں بھی ہوئیں۔

دوسری جانب فلسطینی انتظامیہ کی وزارت خارجہ نے خبردار کیا ہے کہ مسجد الاقصی پر صیہونی حکومت کی جارحیت سے پورے خطے میں آگ کے شعلے بھڑک اٹھیں گے- فلسطینی وزارت خارجہ نے اپنے بیان میں کہا ہے بنیامین نتنیاہو بیت المقدس کی صورتحال کو کشیدہ بنا کر اقتدار میں باقی رہنے کی ناکام کوشش کررہے ہیں۔