لییبا، سیکورٹی چیک پوسٹ پر خودکش حملہ
Jun ۰۸, ۲۰۲۱ ۰۶:۵۳ Asia/Tehran
لیبیا میں بارود سے بھری گاڑی کے ذریعے فوجی چیک پوسٹ دھماکے سے اڑا دیا گیا۔
لیبیا کے شہر سبھا میں ایک سیکیورٹی پوسٹ پر خود کش حملہ آور نے بارود سے بھری گاڑی ٹکرا دی جس کے نتیجے میں 2 اہلکار جاں بحق اور 4 زخمی ہوگئے۔
اطلاعات کے مطابق لیبیا کے جنوبی شہر سبھا کی چیک پوسٹ پر سیکیورٹی اہلکاروں نے تیز رفتار گاڑی کو روکنے کی کوشش کی تاہم ڈرائیور نے گاڑی چیک پوسٹ سے ٹکرا دی۔
گاڑی کے چیک پوسٹ سے ٹکراتے ہی زور دار دھماکہ ہوا جس میں 2 اہلکار جاں بحق اور 4 زخمی ہو گئے۔ زخمیوں سے 2 کی حالت نازک ہونے کے باعث ہلاکتوں میں اضافے کا خدشہ ظاہر کیا جا رہا ہے۔
پولیس کا کہنا ہے کہ خود کش حملہ آور کی شناخت کے لیے جائے وقوعہ سے ملنے والے اس کے بدن کے ٹکڑوں کو فرانزک لیب بھیجا جائے گا۔
لیبیا میں سرگرم دہشت گروہ حکومت کے خلاف پُرتشدد کارروائیوں میں ملوث ہیں۔
