انتخابات 2021 کے تعلق سے حماس کا تہنیتی پیغامات
کامیاب صدارتی انتخابات اور آيت للہ سید ابراہیم رئیسی کی کامیابی پر رہبر انقلاب اسلامی کے نام حماس کا تہنیتی پیغام
فلسطین کی اسلامی استقامتی تنظیم حماس نے ایک بیان میں ایران میں کامیاب صدارتی انتخابات کا انعقاد اور اس میں آیت اللہ سید ابراہیم رئیسی کی کامیابی پر مبارکباد دی۔
بیان میں کہا گیا ہے کہ فلسطین کی اسلامی استقامتی تنظیم حماس، ایران میں تیرہویں صدارتی انتخابات کے کامیاب انعقاد پر جس میں سید ابراہیم رئیسی کامیاب ہوئے، قائد اسلامی انقلاب حضرت آیت اللہ العظمی خامنہ ای اور ایرانی عوام کو مبارکباد دیتی ہے۔
بیان میں مزید کہا گیا ہے کہ حماس تنظیم، آیت اللہ سید ابراہیم رئیسی کی کامیابی کیلئے نیک خواہشات کا اظہار کرتے ہوئے امید کرتی ہے کہ اللہ رب العزت سے ان کے دور صدارت میں ملکی ترقی، رفاہ اور فلسطینی قوم سے ایرانی عوام کی یکجہتی پر مبنی موقف اور فلسطینیوں کی پائیدار استقامت کی حمایت کا سلسلہ جاری رہے گا۔
واضح رہے کہ مختلف ملکوں کے حکام اور اہم شخصیات کی جانب سے آيت اللہ سید ابراہیم رئيسی کی کامیابی مبارکباد کے پیغامات کا سلسلہ جاری ہے۔
