افغانستان، کابل اور قندھار میں بم دھماکے
Jul ۱۱, ۲۰۲۱ ۰۷:۵۹ Asia/Tehran
افغانستان میں2 بم دھماکوں میں4 افراد جاں بحق اور 20 سے زائد زخمی ہو گئے۔
اطلاعات کے مطابق دھماکے افغانستان کے دارالحکومت کابل اور قندھار میں دھماکے ہوئے۔
بتایا جاتا ہے کہ ایک دھماکہ کابل میں کرت نو کے علاقے میں پراپرٹی ڈیلر کے دفتر میں ہوا، جس میں 2 شہری جاں بحق اور متعدد زخمی ہو گئے۔
جبکہ دوسرا دھماکہ افغانستان کے صوبے قندھار میں ہوا جس میں ضلعی چیف کی گاڑی کو نشانہ بنایا گیا تاہم خوش قسمتی سے وہ بچ گئے لیکن دھماکے میں2 شہری جاں بحق اور3 زخمی ہو گئے۔
تمام زخمیوں کو فوری طور پر قریبی اسپتال منتقل کر دیا گیا۔ زخمیوں میں پولیس اہلکار بھی شامل ہیں۔
یہ دھماکے ایک ایسے وقت ہوئے ہیں کہ جب افغانستان کے بیشرمقامات پر طالبان اور سرکاری فورسز کے درمیان شدید جھڑپیں ہو رہی ہيں۔
