SAHAR

فلسطینی ذرائع‏ ابلاغ نے رپورٹ دی ہے کہ غاصب صیہونی حکومت کے جنگی طیاروں نے مقبوضہ فلسطین سے ملنے والے جنوبی لبنان کے سرحدی علاقے پر حملہ کیا ہے۔

فلسطینی ذرائ‏ع ابلاغ کے حوالے سے ارنا کی رپورٹ کے مطابق غاصب صیہونی حکومت کے جنگی طیاروں نے حرجیہ نامی علاقے پر راکٹ حملہ کیا جبکہ اس سے قبل بھی جنوبی لبنان میں دھماکے کی آواز سنائی دی۔

صیہونی فوج کے ترجمان نے بھی ان حملوں کی تصدیق کرتے ہوئے دعوی کیا ہے کہ اسرائیل کی فضائیہ نے جنوبی لبنان کے ان علاقوں کو نشانہ بنایا ہے جہاں سے شمالی اسرائیل پر راکٹ حملے کئے گئے تھے۔

بعض غیر سرکاری رپورٹوں میں بتایا گیا ہے کہ یہ حملے غاصب صیہونی حکومت نے ایف سولہ جنگی طیاروں سے کئے۔

غاصب صیہونی حکومت نے لبنان سے شمالی مقبوضہ فلسطین پر تین راکٹ حملوں کے بعد جنوبی لبنان کے بعض سرحدی علاقوں پر گولہ باری بھی کی ہے۔