حماس اور جہاد اسلامی کا مشترکہ اجلاس، فلسطینیوں کی صفوں میں اتحاد پر زور
فلسطین کی مزاحمتی تنظیموں حماس اور جہاد اسلامی کے سینئر عہدیداروں کا ایک مشترکہ اجلاس ہوا جس میں غزہ اور مغربی کنارے میں صیہونی جرائم کا جائزہ لینے کے ساتھ ساتھ قومی اور جمہوری بنیادوں پر فلسطینیوں کی صفوں کو متحد کرنے کی ضرورت پر زور دیا گیا۔
سحرنیوز/عالم اسلام: فلسطینی انفارمیشن سینیٹر کی رپورٹ کے مطابق دونوں فریقوں نے مغربی کنارے کے خلاف صیہونی حکومت کی کابینہ کے فیصلوں اور غزہ کی پٹی کے محاصرے کے تسلسل کا جائزہ لیا۔ انہوں نے انسانی امداد، ادویات، خوراک اور تعمیراتی مواد کی ترسیل میں رکاوٹیں ڈالنے کو معاہدوں کی صریح خلاف ورزی قرار دیا۔
اس کے علاوہ، رفح کراسنگ پر مسافروں کے ساتھ بہیمانہ سلوک اور غزہ پٹی میں "قومی انتظامی کمیٹی" کی سرگرمیوں کی راہ میں صیہونی رکاوٹوں کے معاملے پر بھی بحث ہوئی۔
ہمیں فالو کریں:
Follow us: Facebook, X, instagram, tiktok whatsapp channel
مزاحمتی تنظیموں کے رہنماؤں نے یہودی بستیوں کی تعمیر اور علاقے کو یہودی رنگ دینے کے منصوبوں کے خلاف فلسطینی قوم کی استقامت کو مضبوط بنانے کی ضرورت پر زور دیا اور ساتھ ہی انہوں نے درپیش چیلنجوں کا مقابلہ کرنے کے لیے فلسطین کے اندرونی ڈھانچے کو بحال کرنے کا مطالبہ کیا۔ اس سے قبل تحریک حماس کے ترجمان نے صیہونی حکومت کے ہاتھوں غزہ میں جنگ بندی معاہدے کی خلاف ورزیوں میں اضافے پر برہمی کا اظہار کرتے ہوئے اعلان کیا تھا کہ یہ حکومت جنگ بندی کو برقرار رکھنے کی کوشش کرنے والے ثالث اور ضامن ممالک کے اقدامات کو عملی طور پر بے اثر کر رہی ہے۔
