ترکی طالبان حکومت کے ساتھ تعاون کے لئے تیار
Oct ۱۴, ۲۰۲۱ ۰۷:۵۸ Asia/Tehran
کابل میں ترکی کے سفیر نے کہا ہے کہ ان کا ملک طالبان کی وزارت قانون کے ساتھ تعاون کے لئے تیار ہے۔
افغانستان میں ترکی کے سفیر جہاد ارگینای نے طالبان حکومت کے وزیر قانون عبد الحکیم الشرعی کے ساتھ ملاقات میں طالبان کی عبوری حکومت کے ساتھ تعاون کے لئے انقرہ کی آمادگی کا اعلان کیا ہے۔
انہوں نے کہا کہ ترکی طالبان کی وزرات قانون کے ملازمین کی ٹریننگ میں تعاون کرےگا اور ماہرین کو بھیجے گا۔
طالبان کی وزارت قانون کے نگراں نے بھی کہا ہے کہ وہ دوسرے ممالک کے ساتھ افغانستان کے پچھلے معاہدوں کے اس شرط پر پابند ہیں کہ وہ معاہدے اسلامی شریعت کے خلاف نہ ہوں۔
واضح رہے کہ ترکی نے ایسی حالت میں طالبان کی وزارت قانون کے ساتھ تعاون کے لئے آمادگی ظاہر کی ہے کہ ابھی تک دنیا کے کسی ایک ملک نے بھی طالبان کی عبوری حکومت کو تسلیم نہیں کیا ہے-
