یمن کے مختلف علاقوں پر سعودی اتحاد کے حملے جاری
Nov ۳۰, ۲۰۲۱ ۱۸:۲۷ Asia/Tehran
سعودی عرب کے زرخرید ایجنٹوں نے یمن کے مختلف علاقوں پر حملہ اور بمباری کی ہے
المسیرہ کی رپورٹ کے مطابق یمنی ذرائع نے اعلان کیا ہے کہ سعودی عرب کے زرخرید ایجنٹوں کے لڑاکا طیاروں نے صوبہ تعز میں البرح، صوبہ صعدہ میں باقم، صوبہ حجہ میں حرز، صوبہ مارب کے علاقے صرواح اور الجوبہ پر بمباری کی ہے ۔
دوسری جانب ایک یمنی ذریعے نے یمن کے الحدیدہ میں جارحیت پسندوں اوران سے وابستہ عناصر کی طرف سے جنگ بندی کی خلاف ورزی کی اطلاع دی ہے۔
سعودی عرب ، امریکہ، متحدہ عرب امارات اور کئی دیگر ممالک کی حمایت سے مارچ دوہزارپندرہ سے یمن پر حملوں کے ساتھ ہی زمینی، سمندری اور فضائی محاصرہ بھی کررکھا ہے لیکن یمنی عوام کی سخت مزاحمت کے باعث اب تک وہ اپنے مقاصد حاصل کرنے میں ناکام رہا ہے۔
