عراق، مقتدی صدر کی پارٹی کے رہنما کا قتل، ٹارگٹ کلنگ کا سلسلہ شروع
Jan ۰۹, ۲۰۲۲ ۲۳:۳۳ Asia/Tehran
عراق میں سینئر سیاسی رہنما مقتدی صدر کی پارٹی کے ایک رہنما کو قتل کر دیا گیا ہے۔
شفق نیوز ایجنسی کی رپورٹ کے مطابق عراق کے میسان صوبے ميں مقتدی صدر کی سیاسی پارٹی کے ایک رہنما کو قتل کر دیا گیا۔
اتوار کو عراق کے کردستان علاقے کی کردستان ڈیموکریٹک پارٹی کی نیوز ایجنسی شفق نیوز نے بتایا کہ صوبہ میسان کے العمارہ علاقے میں مقتدی صدر کی پارٹی کے رہنما کو قتل کر دیا گیا۔
حالانہ شفق نیوز نے عراقی رہنما کے قتل سے متعلق مزید تفصیلات نہیں دی۔
عراقی میڈیا نے بھی اس قتل کے اسباب یا قاتلوں کے بارے میں کوئی تفصیل نہیں دی۔
عراق کے ایک سیکورٹی ذریعے نے قتل کی تائید کرتے ہوئے کہا کہ مسلم ابو ریش صدر پارٹی کے سینئر رہنما تھے جن کی لاش سنیچر کی رات العمارہ کے علاقے سے برآمد ہوئی۔
