SAHAR

مقبوضہ قدس کے شیخ جراح محلے میں اتوار کی صبح شہادت پسندانہ کارروائی ہوئی جس میں، ایک صیہونی زخمی ہو گیا۔ 

اس شہادت پسندانہ کارروائی میں غیر قانونی صیہونی آبادکار کار کے نیچے دب کر زخمی ہو گیا۔ 
فلسطینی خبری ذرا‏ئع کا کہنا ہے کہ یہ کارروائی نابلس میں 3 فلسطینی مجاہدین کی صیہونی فوجیوں کے ہاتھوں شہادت کے جواب میں کی گئی ہے۔
رپورٹ ملنے تک اس کارروائی کو انجام دینے والے کے انجام کے بارے میں کوئی تفصیل سامنے نہیں آ پائی ہے۔

یاد رہے کہ فلسطین کی اسلامی مزاحمتی تحریک حماس نے خبردار کیا ہے کہ صیہونی اسرائیلی حکومت اور غیر قانونی آباد کار آگ سے کھیل رہے ہیں۔ اگر یہ کھیل جلد بند نہ ہوا تو انہیں سنگین نتائج کا سامنا کرنا پڑے گا۔

گزشتہ شب بھی صیہونی دہشتگردوں اور فلسطینی عوام کے درمیان تصادم ہوا جس کے دوران کئی فلسطینی زخمی ہو گئے۔