شام پر پھر اسرائیل کا حملہ، 5 جاں بحق 7 زخمی+ ویڈیو
May ۱۴, ۲۰۲۲ ۰۹:۴۹ Asia/Tehran
شام کی وزارت دفاع نے ملک کے مرکزی علاقے میں کچھ جگہوں پر اسرائیل کے میزائیل حملے کی خبر دی ہے جس میں 5 افراد جاں بحق ہو گئے اور ایک بچی سمیت 7 افراد زخمی ہوئے۔
شامی ذرائع کے مطابق، اسرائیل نے جمعے اور سنیچر کی درمیانی شب 8 بج کر 23 منٹ پر یہ حملہ کیا۔ اسرائیل نے بحیرۂ روم سے مرکزی علاقے پر کئی میزائیل مارے۔
صیہونی دہشتگردوں کے میزائل حملے کا مقابلہ کرتا شامی فوج کا دفاعی سسٹم
شامی ذرائع کے مطابق، شام کی ایئر فورس نے زیادہ تر میزائیل کو مار گرایا تاہم بعض میزائل اپنے ہدف تک پہنچنے میں کامیاب رہے۔ فوجی ذرائع کے مطابق، ان میں سے کھچ میزائیل کھیت میں گرے جس سے مصیاف کے مضافاتی علاقے کے عوام کو مالی نقصان پہونچا۔
اس سے پہلے بدھ کو صیہونی فوج نے جنوبی شام میں واقع قنیطرہ کے مضافاتی علاقے حضر پر ہوائی حملہ کیا تھا۔
