شام میں اپنے فوجی اڈوں کی تعداد کیوں بڑھا رہا ہے امریکا؟
امریکی دہشت گرد فوجیں شمال مشرقی شام کے صوبہ الحسکہ میں اپنے غیر قانونی اڈوں کو بڑھا رہی ہیں۔
سحر نیوز/ عالم اسلام: فارس نیوز ایجنسی کے مطابق داعش کے خلاف بین الاقوامی اتحاد کی قیادت کرنے والی امریکی دہشت گرد افواج نے شام کے مشرقی علاقوں میں اپنی فوجی اور سیکورٹی موجودگی کو مضبوط کر لیا ہے۔
اسپوتنک خبر رساں ایجنسی نے شمال مشرقی شام کے صوبہ الحسکہ کے مقامی ذرائع کے حوالے سے بتایا ہے کہ امریکی غاصب افواج نے جسم السد الشمالی کے علاقے میں ایک غیر قانونی اڈے پر اپنی موجودگی بڑھا دی ہے۔
ذرائع کا کہنا ہے کہ امریکی دہشت گردوں نے اڈے کو جدید ریڈار سسٹم سے لیس کیا ہے اور اس کے ارد گرد کئی بڑے گودام بنائے ہیں۔ یہ ان اولین اڈوں میں سے ایک ہے جو امریکہ نے اپنے کرائے کے فوجیوں کے ساتھ الحسکہ میں غیر قانونی طور پر بنائے تھے۔
علاقے میں بڑے گودام ہیں اور ایک کمانڈ سینٹر اور ایک فوجی ہیلی کاپٹر لینڈنگ کی پٹی ہے۔ امریکی عناصر نے "صوامع الحبوب" بیس کو بھی وسعت دی۔
اس بیس میں ایک رن وے بھی ہے۔ یہ اڈہ الحسکہ کے شمال میں تل بیدر قصبے میں واقع ہے۔ امریکی عناصر نے اس اڈے کو شامی فوج کے ایک سابق اڈے سے جوڑ دیا ہے لیکن کرد ملیشیا نے اسے اپنا اڈا بنا لیا ہے۔
شام کی سرکاری خبر رساں ایجنسی نے ایک ویڈیو میں اطلاع دی ہے کہ امریکی فوجیوں نے ملک میں درجنوں ٹرکوں سے گندم کی کھیپ چوری کی ہے۔
فارس نیوز ایجنسی کے مطابق، شام کی سرکاری خبر رساں ایجنسی سانا نے آج دوپہر سنیچر کے روز اطلاع دی ہے کہ امریکی افواج نے ملک کے شمال مشرق میں 40 ٹرکوں سے گندم چوری کی ہے۔
شام کی سرکاری خبر رساں ایجنسی سانا (SANA) نے گندم کی چوری کے وقت کی ایک ویڈیو شائع کی۔
شام کی سرکاری خبر رساں ایجنسی SANA کے کیمرے نے امریکا کی جانب سے الجزائر کے علاقے میں گندم کے 40 بڑے ٹرکوں کی چوری کو ریکارڈ کیا ہے۔
رپورٹ کے مطابق غاصب امریکی فوجی گندم کی کھیپ چوری کرنے کے بعد اسے شمالی عراق میں اپنے اڈوں میں منتقل کیا۔
شام کے مقامی ذرائع نے بارہا اطلاع دی ہے کہ ملک کے مشرق میں تعینات امریکی فوجیں شام کا تیل اور اناج پڑوسی ممالک کو اسمگل کر رہی ہیں۔
شام کی تیل کی وزارت کے مطابق غاصب امریکی افواج اور اس کے کرائے کے ایجنٹ مشرقی علاقوں میں روزانہ 70,000 بیرل شامی تیل چوری کرتے ہیں۔
