SAHAR

میڈیا ذرائع نے غرب اردن میں صیہونی فوجیوں کی فائرنگ میں ایک فلسطینی نوجوان کی شہادت کی خبر دی ہے۔

مدار نیوز کی رپورٹ کے مطابق 23 سالہ فلسطینی نوجوان محمد طاهر مرعی آج صبح صیہونی فوجیوں کی فائرنگ سے زخمی ہوگیا تھا تاہم زخموں کی تاب نہ لاکر شہید ہو گیا۔

دوسری جانب صیہونی دہشتگردی سے تنگ آئے ایک فلسطینی نوجوان نے شمالی رام اللہ کے علاقے راس کرکر میں ایک چیک پوسٹ پر کھڑے صیہونی فوجیوں پر گاڑی چڑھا دی جس کے نتیجے میں ایک صیہونی پولیس والا زخمی ہو گیا۔ منگل کی شام بھی مقبوضہ قدس شہر میں ایک صیہونی ظلم و ستم سے عاجز ایک فلسطینی نے حملہ کر کے ایک اسرائیلی پولیس اہلکار کو زخمی کر دیا تھا۔