شام پر اسرائیل کا حملہ، امداد میں بنا رکاوٹ
شام کی وزارت ٹرانسپورٹ نے خبردی ہےہے کہ حلب کے بین الاقوامی ہوائی اڈے پر صیہونی حکومت کے جنگی طیاروں کے حملے کی وجہ سے اس ملک کے زلزلہ زدگان کو امدادی سامان پہنچانے میں تاخیر ہوگئی۔
سحر نیوز/ عالم اسلام: شام کی وزارت ٹرانسپورٹ نے خبر دی ہے کہ صیہونی حکومت کے حالیہ فضائی حملے کے نتیجے میں حلب کا ہوائی اڈہ آوٹ آف سروس ہو گیا اور اس ملک کے زلزلہ زدہ افراد کے لیے بیرونی امداد کی آمد میں تاخیر ہو رہی ہے۔
رشا ٹو ڈے نیوز ویب سائٹ کی رپورٹ کے مطابق وزارت ٹرانسپورٹ اور شامی شہری ہوابازی کمپنی کے بیان میں کہا گیا ہے کہ زلزلہ زدگان کی مدد کے لیے امدادی طیاروں کی لینڈنگ اور حلب سے دیگر طے شدہ پروازوں کو دمشق اور لاذقیہ منتقل کرنے کا فیصلہ کیا گیا ہے۔
اس بیان میں شامی مسافروں سے اپیل کی گئی ہے کہ وہ ایئر لائنز اور اپنے متعلقہ دفاتر کے ذریعے اپنے سفر اور پروازوں کے نئے شیڈول کو حاصل کریں۔
شام کی حمل و نقل کی وزارت نے تصدیق کی ہے کہ متعلقہ اداروں نے حلب کے ہوائی اڈے پر صیہونی حکومت کے حملے کے نتیجے میں ہونے والے نقصانات کی شناخت اور اسے دور کرنے کا عمل شروع کر دیا ہے تاکہ اسے خدمات کی بحالی کے لیے تیار کیا جا سکے۔
