SAHAR

جہاد اسلامی کے کمانڈر خضرعدنان کی شہادت کے بعد طولکرم میں مزاحمتی فورسز نے ایک آپریشن میں تین صیہونیوں کو زخمی کر دیا ہے۔

سحرنیوز/عالم اسلام: فلسطین الیوم کی رپورٹ کے مطابق طولکرم میں صیونیوں پر مزاحمتی فورسز کے حملے میں تین صیہونی زخمی ہو گئے۔

جہاد اسلام کے مسلح ونگ سرایا القدس نے اس حملے کی ذمہ داری قبول کرتے ہوئے اپنے بیان میں اسے جہاد اسلامی کے کمانڈر خضر عدنان کی صیہونی جیل میں شہادت کا ردعمل قرار دیا ہے۔

بیان میں جہاد اسلامی نے مزید کہا کہ وہ اپنے کمانڈر کی شہادت کا جواب ضرور دے گی۔