SAHAR

صیہونی فوجیوں نے دریائے اردن کے مغربی کنارے میں واقع نور شمس کیمپ پر بلڈوزروں اور بکتر بند گاڑیوں سے حملہ کیا ہے۔

سحر نیوز/ عالم اسلام: فلسطینی ذرائع نے اطلاع دی ہے کہ مذکورہ فلسطینی کیمپ طولکرم شہر کے قریب واقع ہے جسے صیہونیوں نے پہلے محاصرے میں لیا اور پھر بلڈوزروں کی بڑی تعداد اور کم از کم 60 بکتر بند گاڑیوں کے ساتھ دھاوا بول دیا۔

رپورٹ کے مطابق صیہونیوں کے اس حملے کا فلسطینی مجاہدوں نے مسلحانہ جواب دیا اور آخری اطلاعات تک جھڑپوں کا سلسلہ جاری تھا۔

یاد رہے کہ دو ہفتے قبل بھی صیہونیوں نے جنین کیمپ پر وسیع جارحیت کی تھی کہ جس کے نتیجے میں 8 فلسطینی شہید اور دسیوں زخمی ہوئے تھے۔ جس کے جواب میں فلسطینی مجاہدوں نے صیہونی فوجیوں کے خلاف زبردست کارروائی کی جس کی وجہ سے وہ جنین سے بھاگنے پر مجبور ہوئے۔