فلسطینی مجاہدین نے صیہونیوں کو دندان شکن جواب دے دیا
Oct ۰۱, ۲۰۲۳ ۱۵:۴۱ Asia/Tehran
فلسطین کے انفارمیشن سینٹر نے اعلان کیا ہے کہ فلسطینی مزاحمتی فورسز نے دریائے اردن کے مغربی کنارے میں صیہونیوں کے خلاف چودہ کارروائیاں انجام دی ہيں۔
سحر نیوز/ عالم اسلام: شہاب خبررساں ایجنسی کے مطابق فلسطینی مزاحمتی گروہوں نے دریائے اردن کے مغربی کنارے اور مقبوضہ بیت المقدس کے مختلف علاقوں میں صیہونی افواج کا مقابلہ کرتے ہوئے ان پر گولیاں چلائيں اور ان پر دھماکہ خیز مواد پھینکے۔
مرکزاطلاعات فلسطین کی رپورٹ کے مطابق مزاحمتی فورسز کی یہ کارروائیاں قدس، نابلس، طول کرم، قلندیہ، جنین، قلقیلیہ، رام اللہ اور الخلیل میں ہوئیں اور مزاحمتی فورسز نے صیہونی حملوں کا منہ توڑ جواب دیا۔
فلسطین کے انفارمیشن سینٹر کے مطابق مغربی کنارے اور مقبوضہ بیت المقدس میں فلسطینیوں کے ساتھ جھڑپوں میں تین صہیونی فوجی زخمی ہوگئے۔
