غزہ اور غرب اردن کے بعض علاقوں میں فلسطینی مجاہدین اور صیہونی فوجیوں کے درمیان جھڑپیں
غزہ پٹی اور غرب اردن کے بعض علاقوں پر صیہونی فوجیوں کےایک ساتھ حملوں کے دوران فلسطینی مجاہدین اور صیونی فوجیوں کے درمیان جھڑپیں ہوئی ہیں-
سحرنیوز/عالم اسلام:غزہ پٹی کے مختلف علاقوں پر صیہونی فوج کے فضائی اور زمینی حملوں کے ساتھ ہی صیہونی فوجیوں نے غرب اردن میں واقع عین عریک کالونی پر دھاوا بول دیااس کے ساتھ ہی الخلیل میں غزہ کی حمایت اور صیہونی جارحیت کے خلاف ہونے والےمظاہروں پر صیہونی فوجیوں نے حملہ کیا جس کے دوران ایک فلسطینی جوان صیہونی فوجیوں کی فائرنگ میں زخمی ہوگيا ۔ اس دوران فلسطینی نوجوانوں نے بھی قلقیلیہ کے النقار محلے کے اطراف میں واقع دیوار حائل کو آگ لگا دی۔
دوسری جانب صیہونی حکومت کی جانب سے مسجدالاقصی میں فلسطینیوں کے داخل ہونے پر پابندی کے باوجود صیہونی انتہاپسندوں نے اس مقدس مقام کو جارحیت کا نشانہ بنایا ۔درایں اثنا فلسطینی مجاہدین نے میراف نامی صیہونی کالونی کی جانب فائرنگ کی جبکہ صیہونی فوجیوں نے مشرقی جنین میں حلبون دیہات پرگولہ باری کی ۔جنوب مشرقی نابلس کے دومن دیہات کی دیہی کمیٹی کے سربراہ نے اعلان کیا ہے کہ صیہونی انتہاپسندوں نے فلسطینی علاقےقریوت اور تلفیت میں فلسطینی زمینوں میں راستہ بنا نا شروع کردیا ہے ۔صیہونی فوجیوں نے جنوبی نابلس میں عوریف دیہات پربھی حملہ کیا ہے۔
