SAHAR

غاصب صیہونی حکومت کے جارح فوجیوں نے غزہ پر جارحیت کا سلسلہ جاری رکھتے ہوئے غرب اردن کے مختلف علاقوں کو بھی نشانہ بنایا ہے۔

سحرنیوز/ عالم اسلام: الجزیرہ کی رپورٹ کے مطابق غرب اردن کے مختلف علاقوں پر صیہونی فوجی جارحیت میں مزید کئی فلسطینی شہید و زخمی ہوئے جبکہ متعدد دیگر کو صیہونی فوجیوں نے حراست میں لے لیا۔ اس رپورٹ کے مطابق صیہونی فوجیوں نے جنین کے سرکاری اسپتال کا بھی محاصرہ کیا اور گاڑیوں کی رفت و آمد روک دی۔جنین میں کئي دھماکوں کی بھی آوازیں سنی گئیں۔

دوسری جانب جنین میں فلسطین کی تحریک استقامت کے گروہوں نے اعلان کیا ہے کہ اس علاقے میں صیہونی فوجیوں اور فلسطینی مجاہدین کے درمیان گھمسان کی جنگ ہو رہی ہے اور فلسطینی مجاہدین نے السیلہ الحارثیہ میں کئی صیہونی فوجی گاڑیوں کو دھماکہ خیز مواد سے نشانہ بھی بنایا ہے۔