اربیل میں امریکی فوجی اڈے پر حملہ
Jan ۲۴, ۲۰۲۴ ۱۸:۴۲ Asia/Tehran
خبر رساں ذرائع نے بتایا ہے کہ عراق کے شہر اربیل میں امریکہ کے زیر قبضہ فوجی اڈے کو نشانہ بنایا گیا۔
سحر نیوز/ عالم اسلام: تسنیم نیوز کی رپورٹ کے مطابق، شمالی عراق کے اربیل علاقے میں واقع حریر بیس پر جو کہ امریکی قبضے کا ہیڈ کوارٹر ہے، آج ایک بار پھر حملہ کیا گیا۔
عراق کی اسلامی مزاحمت نے اس حملے کی ذمہ داری قبول کرتے ہوئے ایک بیان میں کہا ہے کہ فلسطین کے مزاحمتی عوام کی حمایت اور غاصبوں کے مسلسل جرائم کے جواب میں اربیل ہوائی اڈے کے قریب غاصب امریکی فوجیوں کے اڈے کو نشانہ بنا کر تباہ کر دیا گیا ہے۔
بیان میں بتایا گیا ہے کہ غاصب صیہونی حکومت کے ساتھ تعاون کرنے اور اس کی کھلی حمایت کرنے کی وجہ سے ہم نے ڈرون سے فوجی اڈے کو نشانہ بنایا۔
