SAHAR

ورلڈ ہیلتھ آرگنائزیشن کے سربراہ نے خبردار کیا ہے کہ غزہ میں بچوں کو شدید غذائی قلت کا سامنا ہے جس کے سبب وہ موت کے خطرے سے دوچار ہیں-

سحرنیوز/ عالم اسلام: القدس العربی کی رپورٹ کے مطابق ٹیڈروس ادہانوم نے سوشل نیٹ ورک ایکس پر لکھاہے کہ شمالی غزہ میں العودہ اور کمال عدوان اسپتالوں میں اس ادارے کے عہدیداروں کے دوروں میں یہ مشاہدہ کیا گيا ہےکہ اس وقت وہاں بچوں کو خوراک کی شدید قلت کا سامنا ہے اور وہ موت کے خطرے سے دوچار ہیں۔

انہوں نے لکھا کہ ان اسپتالوں کے دورے کے نتائج انتہائی خوفناک اور عبرتناک ہیں اور یہ مشاہدہ کیا گيا کہ خوراک کی کمی کے باعث ان دو اسپتالوں میں دس بچوں کی موت ہوچکی ہے اور ان دونوں اسپتالوں میں غذائی قلت بہت زیادہ ہے اور ان کی عمارتیں اور تنصیبات بھی اسرائیلی فوج کے حملوں میں تباہ ہو گئی ہیں۔