غزہ کے ایک اسکول پر بمباری، خوفناک آتشزدگی
May ۱۴, ۲۰۲۴ ۱۰:۱۱ Asia/Tehran
غزہ کے مرکز میں واقع ایک اسکول میں انسانی امداد کے ذخیرے پر صیہونی حکومت کے حملے کی خبریں موصول ہوئی ہیں۔،
سحرنیوز/ عالم اسلام: فلسطینی خبر رساں ایجنسی شہاب کے مطابق غزہ کے وسط میں واقع نصیرات کیمپ نمبر 2 کے ایک اسکول میں انسانی امداد کا ذخیرہ کرنے والی جگہ پر صیہونی حکومت کی بمباری کے نتیجے میں خوفناک آگ بھڑک اٹھی۔
اس رپورٹ کے مطابق یہ حملہ ایسے وقت میں ہوا ہے جب چند گھنٹے قبل نصیرات کیمپ کی ایک عمارت پر صیہونی حکومت کے حملے میں کم از کم 30 افراد شہید اور درجنوں زخمی ہوئے تھے۔
غزہ کی سول ڈیفنس آرگنائزیشن نے اعلان کیا ہے کہ اس عمارت میں جہاں فلسطینی پناہ گزینوں کو پناہ دی گئی تھی اس میں کم از کم 100 افراد موجود تھے۔
