SAHAR

شام میں ایک کار اور ٹرک پر اسرائیل نے ڈرون حملہ کیا ہے۔

سحر نیوز/ عالم اسلام: ایک اسرائیلی ڈرون نے مغربی شام میں ایک کار اور ٹرک پر حملہ کیا۔

فارس نیوز ایجنسی کی رپورٹ کے مطابق اسپوتنک خبر رساں ایجنسی نے آج دوپہر کو اپنی رپورٹ میں اطلاع دی ہے کہ یہ حملہ صوبہ حمص کے شہر القصیر کے آس پاس ہوا۔

المیادین چینل نے یہ بھی اطلاع دی ہے کہ اس حملے میں ایک اسرائیلی ڈرون ملوث تھا۔

شام کے مقامی ذرائع نے ایسی تصاویر شائع کی ہیں جن میں کار اور ٹرک کو جلتے ہوئے دکھایا گیا ہے۔

اس رپورٹ کے شائع ہونے تک اسرائیلی فوج نے سرکاری طور پر اس حملے کی ذمہ داری قبول نہیں کی تھی۔

شام کی وزارت دفاع نے اس رپورٹ کی اشاعت تک اس حوالے سے کوئی بیان جاری نہیں کیا ہے۔