SAHAR

غزہ میں دہشتگرد صہیونی فوجیوں نے فلسطینی پناہ گزینوں کے کیمپوں پر آگ لگادی جس کے نتیجے میں 30 کیمپ جل گئے۔

سحرنیوز/عالم اسلام: مہر خبررساں ایجنسی نے العربی الجدید کے حوالے سے کہا ہے کہ غزہ میں شہداء الاقصی ہسپتال کے اطراف میں فلسطینیوں کے کیمپوں پر صہیونیوں نے آگ لگادی۔
امدادی کارکنوں کے مطابق اب تک مجموعی طور پر 30 کیمپ آگ لگنے سے جل گئے۔
ہسپتال ذرائع نے کہا ہے کہ اب تک 3 فلسطینی شہید اور 40 زخمی ہوگئے ہیں۔ کیمپوں میں لگنے والی آگ سے شہداء الاقصی کے بعض حصے بھی متاثر ہوئے ہیں۔
فلسطینی اتھارٹی نے کہا ہے کہ شہداء الاقصی کے اطراف میں واقع کیمپوں میں آگ لگنے کا یہ ساتواں واقعہ ہے۔ فلسطینیوں کے خلاف ہونے والے حملوں کا امریکہ اور صہیونی حکومت ذمہ دار ہے۔