صیہونی میڈیا کا دعویٰ: مصر کسی غیرمتوقع قدم کی تیاری میں ہے
ایک صیہونی اخبار نے دعوی کیا ہے کہ قاہرہ 1979 کے امن منصوبے پر نظرثانی کر رہا ہے جس کے نتیجے میں علاقے کا سیکورٹی توازن تبدیل ہوسکتا ہے۔
سحرنیوز/عالم اسلام: صیہونی خبری پلیٹ فارم "ناتسیف" کے مطابق، عبدالفتاح سیسی بہت جلد واشنگٹن کا دورہ کرنے جا رہے ہیں۔
دوسری جانب اس خبررساں پلیٹ فارم نے کچھ مشتبہ انٹیلی جنس رپورٹوں کا حوالہ دیتے ہوئے دعوی کیا ہے کہ مصری فوج نے گزشتہ چند مہینے کے دوران صحرائے سینا میں ترقی یافتہ ایئرڈیفنس سسٹم نصب کیے ہیں جن میں چینی سسٹم HQ-9B کا نام بھی دیکھا جا سکتا ہے۔
مذکورہ رپورٹ میں دعوی کیا گیا ہے کہ قاہرہ کا یہ اقدام، مصر اور صیہونی حکومت کے مابین نام نہاد امن منصوبے کی کھلی خلاف ورزی ہے جس کے تحت مصر کو صحرائے سینا میں کسی بھی قسم کی فوجی تنصیبات رکھنے کا حق حاصل نہیں ہے۔
ہمیں فالو کریں:
Follow us: Facebook, X, instagram, tiktok whatsapp channel
