نئی حکومت کے قیام کے بعد بنگلادیشی آرمی میں اہم تقرریاں اور تبادلے

Feb ۲۳, ۲۰۲۶ ۱۷:۳۵ Asia/Tehran

بنگلادیش میں نئے وزیر اعظم کے عہدہ سنبھالنے کے ساتھ ہی اس ملک کی آرمی میں بڑے پیمانے پر تبدیلیاں عمل میں لائی گئی ہیں۔

سحرنیوز/عالم اسلام: بنگلادیش کے نئے وزیر اعظم طارق رحمن نے لیفٹیننٹ جنرل محمد معین الرحمان کو چیف آف جنرل اسٹاف تعینات کر دیا ہے۔آرمی ہیڈ کوارٹر کی جانب سے جاری مراسلے میں کہا گیا ہے کہ ہندوستان میں تعینات دفاعی مشیر بریگیڈئیر جنرل محمد حفیظ الرحمان کو ترقی دیکر میجر جنرل بنا دیا گیا ہے اور انہیں پچپن انفنٹری ڈویژن کا جنرل آفیسر کمانڈنگ تعینات کرکے فوری وطن واپس بلا لیا گیا ہے۔

میڈیا رپورٹس کے مطابق میجر جنرل قیصر رشید چوہدری کو ڈائریکٹر جنرل آف فورسز انٹیلی جنس اور لیفٹیننٹ جنرل میر مشفق الرحمان کو آرمڈ فورسز ڈویژن میں پرنسپل اسٹاف آفیسر تعینات کر دیا گیا ہے –

ہمیں فالو کریں:

خیال رہے کہ بنگلادیش میں بارہ فروری کو ہونے والے پارلیمانی انتخابات میں بی این پی نے دوسو نو نشستیں جیت کر واضح اکثریت حاصل کی جبکہ جماعت اسلامی نے ستتر نشستیں حاصل کیں۔