SAHAR

یمن کے خلاف جاری سعودی حکومت کے جارحانہ حملوں میں کم ازکم تیس افراد شہید ہوگئے

مصدرآن لائن کی رپورٹ کے مطابق سعودی جنگی طیاروں نے اتوارکے روزصوبہ حجہ کے علاقے عبس پر پندرہ مرتبہ سے زیادہ بمباری کی ہے کہ جس کے نتیجے میں تیس عام شہری شہید اوردسیوں دیگرزخمی ہوگئے۔

ذرائع کے مطابق شہید ہونے والوں میں زیادہ تر کا تعلق " الشام" نامی منریل واٹر کارخانے کے ملازمین سے ہے-

 درایں اثنا صوبہ صعدہ کے رازح علاقے پرسعودی لڑاکا طیارے کے حملے میں ایک بچہ شہید ہوگیا-
 جنوبی یمن کے صوبے تعز کے علاقے الدحوان پربھی بمباری میں چاربچوں سمیت آٹھ عام شہری زخمی ہوگئے-

 سعودی لڑاکا طیاروں نے صوبہ مارب کے صرواح علاقے میں رہائشی عمارتوں پربھی تین باربمباری کی ہے- اسی طرح ان طیاروں نے صوبہ الحدیدہ کے بیت فقیہ علاقے کو بھی اپنے حملے کا نشانہ بنایا ہے-az