SAHAR

جہاد اسلامی فلسطین نے صیہونی حکومت کے مجرمانہ اقدامات کے جواب میں تحریک انتفاضہ قدس کو مزید تیز کرنے کی اپیل کی ہے۔

جہاد اسلامی فلسطین کے جاری کردہ بیان میں فلسطینیوں سے اپیل کی گئی ہے کہ وہ جمعے کو تمام مقبوضہ علاقوں میں قائم صہیونی چیک پوسٹوں پر اسرائیل فوجیوں کا مقابلہ کریں۔ جہاد اسلامی کے بیان میں یہ بات زور دیکر کہی گئی ہے کہ تمام مقبوضہ علاقوں سے صیہونیوں کے انخلا اور مکمل کامیابی کے حصول تک تحریک انتفاضہ قدس جاری رہی گی۔ دوسری جانب اطلاعات ہیں کہ صیہونی فوجیوں نے جمعرات کو ایک بار پھر مسجد الاقصی میں داخل ہوکے وہاں موجود خواتین اور دیگر فلسطینیوں کو تشدد کا نشانہ بنایا ہے۔ صیہونی آبادکاروں کے مسجد الاقصی پرحملے کی بھی خبریں موصول ہوئی ہیں۔